SHBA, Biden merr dozën e dytë të vaksinës Pfizer/BioNTech

21:58 | 11 Janar 2021
Arbresh.info

Presidenti i zgjedhur i Shteteve të Bashkuara, Joe Biden, mori të hënën dozën e dytë të vaksinës kundër koronavirusit.

Procedura u transmetua në rrjetet kabllore, pak minuta pasi ndodhi.

Në komentet e shkurtra për gazetarët, ai tha se ka besim tek ekipi i tij për rritjen e shkallës së vaksinimit, pasi të marrë detyrën më 20 janar.

Biden e ka marrë dozën e parë të vaksinës Pfizer/BioNTech më 21 dhjetor.

Për të qenë efektive, kjo vaksinë duhet të jepet në dy doza, me një diferencë kohore prej tri javësh.

Koronavirusi në Shtetet e Bashkuara ka prekur mbi 22 milionë njerëz, ndërsa ka vrarë mbi 374,000.

Me këto shifra, SHBA-ja është vendi më i goditur në botë.

Në Evropë prin Mbretëria e Bashkuar me mbi 3.1 milionë të infektuar dhe mbi 82,000 viktima.

Numri global i të infektuarve ka kaluar 90 milionë.

Prej tyre, mbi 1.9 milion pacientë kanë vdekur dhe mbi 50 milionë janë shëruar./REL/

Lajmet më të lexuara

“Prishtina e mbeturinave”, lagjet kundërmojnë deri në disa metra larg kontejnerëve

Djali iu bë polic, prindi përlotet nga emocionet: Rinia na ikën…Unë dy djem i kam jashtë, e ky kam pas qejf me vesh uniformën

Vogëlushja shpërthen në lot nga gëzimi i diplomimit të vëllait: Ka dhënë shumë për me arritë këtu

Kurti mori pjesë në shënimin e Ditës Kombëtare të Zvicrës: Me kalimin e kohës, lidhjet tona janë intensifikuar dhe janë zgjeruar

Zjarr fushor në Komoran

Policia e Kosovës identifikon një vend ku po kultivoheshin bimë narkotike në bjeshkën e Roshkodolit të Deçanit

Kalaja e Artanës, ish -Novobërdës, atraksioni turistik i mbetur peng nga dëmtimet

“Jam i pandashëm në këtë punë, deri në vdekje nuk largohem nga mjedra”/ Ky është llapjani që ka dy hektarë e 20 ari me mjedra

Bislimi priti në takim Përfaqësuesin Special të Norvegjisë për Ballkanin Perëndimor, e njofton me punën e Qeverisë

AUV gjen dhe refuzon për import një ngarkesë prej 26 ton mish të shkrirë me origjinë nga Brazili